Widmer, Ambros 1917-2011 (Personenname)

Internet Stand 01.12.2016 http://www.suedostschweiz.ch/zeitung/p-ambros-widmer-ei-morts

Lexicon istoric retic (e-LIR)

P. Ambros (siu num burgheis era Karl) ei naschius 1917 a Gommiswald (SG). Suenter la matura a Mustér eis el entraus leu en claustra, ha fatg 1938 il profess, vegnius ordinaus spiritual e giu messa nuviala 1942. El studegia romanistica a Friburg, denteren engles a Cambridge, e fa la tesa doctorala a Friburg. Alla scola claustrala ha el instruiu engles, franzos, religiun, romontsch ed ei daventaus in prefect legendar Onns ora ha p. Ambros promoviu l’Academia Romontscha alla scola claustrala. Nundumbreivels ein il artechels ch’el ha scret per la «Gasetta Romontscha» (era cun la columna «Denter nus»), pli tard per La Quotidiana ed en revistas. A Mustér ha el fundau «Nossas seras» (inscunters regulars da formaziun) ed ils cerchels «English Conversation» e «Cercle Français» – per indigens e hosps. El fuva era pastur dallas olmas dils luvrers jasters, dils gastronoms ella Cadi – ed ha gidau ora en numerusas pleivs.